123～321～1234567～234～432～數數字咋嘛，係人都識啦，但係最近竟然出現咗條世紀終極大難題！瑞士攝影師Tiziana Vergari喺佢挨豬post咗張相，引嚟網上一場腥風血雨嘅大爭論！

等毛毛睇過？哦，冇咩特別呀，咪有幾個鬼妹仔面都黑晒咁坐定定喺度咋嘛，冇咩好拗呀～

之但係，大家都好熱烈咁討論到底相入面有幾多個女仔！有人好固執咁話有2個，又有人好硬頸咁話係3個、4個先啱，甚至有人話7個呀！等毛毛再睇多次先，睇睇下左一同左五個眼神又好似有啲唔同喎……搞到毛毛都亂喇！

睇住成班傻豬豬網民拗咗咁耐，攝影師終於開估喇！原來相入面係佢兩個囡囡坐喺鏡前面，所以有咁多個影像呀～好彩佢肯講答案啫，唔係毛毛實諗到連工都開唔到呀！

封面圖片、資料來源：Tizzia/instagram