一向創意力量同幻想會嚇你一跳嘅日本仔，最近又有新發明！今次係便當手錶呀！唔知是咪參考咗妖怪手錶呢？

佢哋製作好認真㗎，搵咗唔同方面嘅專家嚟幫手整呢隻錶。首先就有個鐘錶師傅，幫手整隻錶嘅外殼：

然後就交畀美容外科手術嘅醫生．幫手切細啲材料：

有材料自然就要落鑊煮啦！呢個中華料理師傅炮製完便當之後，就會送去畀袖珍手工達人，慢慢咁將啲餸菜同飯放落隻錶度：

搞掂就可以戴上手，邊行邊開餐喇！佢哋仲好細心咁喺隻錶度安裝咗對迷你筷子，禁個制一彈出嚟就搞掂，食得！

雖然呢段片其實係想宣傳無論工作幾忙都要注意飲食均衡嘅大道理，不過老老竇竇，個便當咁細個，夠你食都唔夠毛毛食啦……如果真係要整落隻錶度，睇怕都要咁樣樣先夠飽喇！

Sorly囉，咁毛毛幾十年嚟都未食過女，sor99ly，I mean食過嘢，咁胃口自然都會大啲㗎啦！放湯碗啦！應該差唔多夠我食喇！

封面圖片及資料來源：タキイ種苗株式会社