作為健康新一代陽光小子，每日都要食生果先夠healthy㗎！不過好似毛毛呢啲廢青咁，食嚟食去都淨係識食士多啤梨蘋果燈㗎咋，啲少見啲嘅生果都唔識食㗎！呢個網民咪好似毛毛咁囉，未食過牛油果，所以上網開post問下大家是咪食中間粒嘢呀～

可能啲超市就係知有傻豬豬唔識食牛油果呀，所以特登出咗呢款超方便嘅牛油果！

做法好簡單，就係將牛油果剝皮去核，再擺入個膠盒度，完成！係就係既方便又快捷，不過好似浪費咗少少喎？

其實今個月頭先至有另一間超市用大膠盒裝住剝皮橙嚟賣，畀人鬧佢多嚿魚咋嘛～其實塊生果皮本身已經係最天然最好嘅保護啦傻豬豬，所以話呢，人類總是要……

封面圖片、資料來源：英國《每日郵報》 

回帶：【求助】牛油果是咪食中間粒嘢？