毛毛身體差，唔好話跑步呀，行幾級樓梯都喘晒氣，真係老喇。之不過呢，加拿大有隻老鼠仔就跑極都唔攰啵！但係唔好以為佢係操到咁Fit呀，其實佢仲慘過慘盈⋯⋯

拍片嘅網民行行下街見到隻老鼠仔係咁跑，初時覺得幾得意吖～咁就走咗去喇，點知兩個鐘後返轉頭，見到隻老鼠仔都仲跑緊呀！

明明冇人叫㗎，點解要喺坑渠係咁跑圈？有人就話喇，老鼠仔可能係食咗鼠餌，影響到腦嘅神經，會一路跑一路跑直至死先停呀⋯⋯

好多網民睇到片都覺得心酸，話晒都係一條小生命，可唔可以唔好要佢死得咁殘忍呀？

老鼠仔跑步片段：

資料及圖片來源：Daily Mail