咦，點解喺上水狗公園呢度會有隻狗狗自己一隻喺度hea嘅？係咪走失狗狗呀？快啲post上facebook尋主人好喎......

聽阿網民話，呢隻狗狗係個主人特登放喺度㗎，最耐仲試過放隻狗狗喺度超過4個鐘，主人去完街或者買完餸就會返嚟接返佢～咁又係嘅，呢度有圍欄圍住，地點又就腳，真係既方便又快捷，打返八圈先返嚟都仲得！

btw，就咁睇相，好似連水都冇滴喎，隻狗狗幾粒鐘唔飲水得唔得㗎？同埋如果突然落雨咁又點呀，隻狗咪會變咗做落湯狗囉？仲有喎，聽講呢度附近都發生過偷狗事件，乜主人唔會擔心㗎咩？

嗯！或者大家應該樂觀啲咁諗，呢個世界上仲有好多狗連主人都冇㗎，佢主人都係擺低佢喺狗公園幾粒鐘啫，又唔係擺低成世，所以都冇咩咁大不了啫，55。

封面圖片及資料來源：詩家李／上水人大聯盟