而家去旅行，梗係做Backpacker成個浪子Look，仲要喺挨豬打返句「離開是為了回來」咁先夠型㗎啦，不過毛毛就覺得呢，呢啲都係門口嘢，點睇都係美國呢幾個仔仔型好多好多！

Kevan Chandler因為先天性肌肉萎縮症而行動不便，人生大部份時間都要用輪椅代步。好多人都會覺得行動不便嘅人去唔到啲好遠嘅地方旅行，但係Kevan就唔係咁諗喇，佢打破框框，今年7月會同幾個好巴打一齊去歐洲呀！

Kevan嘅幾個好巴打，為咗令佢尖Come true，會當Kevan係背囊咁孭上身，帶住佢遊勻愛爾蘭、英國、法國呢啲地方～要去到其中一站，即係愛爾蘭一個修道院呀，仲要行成600級樓梯先上到去㗎，諗下都覺得喘晒氣啦，仲要孭住成65磅重嘅Kevan，男人嘅浪漫，真係好偉大呀嗚呀！

Kevan話，如果冇呢班好朋友十卜佢，夢想只會係幻想。毛毛真係睇到好滾動，希望佢哋到時玩得開心啲啦！忍唔住好想唱返句，人生有個真正朋友的確好極，飲勝！

封面圖片、資料來源：Kevan Chandler/facebook、英國每日郵報