做人冇夢想，同條鹹魚有咩分別？毛毛為咗唔做鹹魚，都有一個夢想㗎！就係－唔使返工日日去旅行！是咪好偉大先！不過哪有錢，你老_……呢個肯亞女仔都同毛毛一樣，人生最大嘅夢想就係去旅行，可惜冇錢，於是咪靠P旅行相FF自己去咗囉。

佢憑住出色嘅PS技巧，已經成功去咗中國唔同景點喇！

毛毛最鍾意就係呢張相！赤腳行山路，完全表達出佢嘅藝高人膽大呀！

雖然佢之後都有開返post話有人冒認佢所以先出現呢堆相，但同時佢亦都因為呢堆相，成功引起一位肯亞企業家嘅注意，仲話好欣賞佢對夢嘅追求，要送一張去香港或者北京嘅機票畀佢呀！

唔單止咁，一班網友仲瘋狂改圖，勢要幫呢個肯亞女仔衝出亞洲，上天下海！

喂公平咩，只不過改幾張圖就有得上位，仲有免費機票?！這些機會，毛毛都很想要呀嗚哇！

其實改圖嚟講毛毛都唔差㗎，有冇啲企業家呀，慈善家呀做個好心，實現我個夢想啫下？

封面圖片來源：Seve Gat's、Sam Gichuru、nextshark