仲記唔記得之前個「1600熊貓」展覽呀？即係有一大堆用回收廢紙整嘅熊貓仔周圍去嗰個活動呢？唔記得？毛毛記得嗰陣你都有份去影相打卡㗎？

啲咁打耳嘅熊貓仔唔係畀人呃like咁簡單㗎，呢個活動，係想宣傳人與自然共存嘅訊息，叫人關注多啲保育、持續發展㗎！

而呢一站，班熊貓仔就去到秦國，呀唔係，泰國喇～

呀咦？乜呢幾隻熊貓好似怪怪地咁嘅？睇真啲，係大笨象嚟㗎原來！

原來泰國有動物園想食住「1600熊貓」展覽個勢，強行幫啲大笨象染色，油到成隻熊貓咁樣樣嚟吸引遊客呀！啲油到鬼五馬六嘅大笨象後面就係想叫人同自然共存嘅紙熊貓，幾咁諷刺。

啲動物天生個樣已經夠晒得意啦，毛毛真係唔明點解啲商人仲要強行油到佢哋九彩咁呢？你自己染得個頭唔靚變咗個染頭都會唔開心啦，更何況畀你用嚟當賺錢工具嘅動物呢？

封面圖片來源：edwinwiek/twitter

資料來源：元創方、edwinwiek/twitter、中時電子報

延伸閱讀：【人神共憤】強國商人幫狗狗染色扮新品種