原來個天真係聽到毛毛嘅祈禱㗎！上次毛毛話想奇異花變做真嘅奇異花嚟陪下自己，就真係有奇異花神還原，點知之後又畀毛毛成功收服埋奇異草！

呢隻奇異花個樣淡淡定定，一睇就知實有錢淨，不過錢唔係萬能嘅，話晒都買不到愛人，所以佢眼神仍然流露住七分空虛兩分寂寞同一分凍。

唔使怕喎奇異花！日本小精靈訓練員叫咗你個好巴打奇異草出嚟陪你呀，咁你哋咪可以瘋狂沿路看遍每個都市飛過綠樹滿佈山莊囉！而家再睇下佢哋對眼，感唔感受到呀？係愛呀蝦利！

呢個小精靈訓練員仲好好心機咁post埋自己收服奇異草嘅冒險旅程出嚟呀！等毛毛都試下收服奇異草先！

Between，原來青蛙仔唔止扮寵物小精靈巧打耳，扮呢個…...唔知咩look都好qq！不過毛毛都係鍾意佢扮奇異草奇異花多啲啫！快啲生多隻青蛙bb出嚟cos埋奇異種子啦！

封面圖片、資料來源：bombina0/twitter

回帶：【超打耳呀】奇異花都有得神還原！