我哋已經進入一個乜都有得神還原嘅年代！伊藤潤二漫畫角色有得神還原，沙煞比有得神還原，奇異花有得神還原，連侏羅紀世界都有！係呀，係同人類冇喺同一時空出現過嘅恐龍世界呀！可能你心諗，唓，侏羅紀咋嘛，我細細個就睇過啦，識走入廚房嚇細路同咬死肥佬嗰啲呀嘛。

咁你就錯鳥！呢次神還原嘅豬囉記笨唔係一般嘅豬囉記，要影恐龍，唔使用特技嘅，用一隻膠公仔就得啦！

冇錯呀，你睇到呢啲咁逼真嘅相，冇花冇假，只係用隻硬膠公仔影出嚟㗎咋，仲要係攝影師個囝囝嘅玩具嚟?～

巴拉圭攝影師Jorge Saenz近幾年帶埋囝囝隻硬膠恐龍公仔周圍去，幫佢哋私影，大自然做背景嗰啲又夠真，喺城市影嗰啲又夠晒哥師奶feel，唔怪得佢挨豬咁多人科勞啦！等毛毛都帶埋隻TVmost Buddy去旅行影多啲相相先！呀不過，哪有假......

封面圖片、資料來源：Jorgesaenzpy/instagram