又到咗一年一度由新浪微博香港主辦嘅「微博之星」頒獎禮！呢個全城矚目、萬眾期待嘅頒獎禮就喺噚日圓滿結束咗啦，今年競爭相當激烈，陳展鵬同胡定欣拎咗「微博視帝視后」，而深受大家喜愛嘅林峯都拎咗「微博人氣王」大獎喎～不過毛毛最關心嘅都係「十大最具影響力媒體」呢個獎，事不宜遲，即刻同大家睇下：

嘩嘩嘩嘩嘩，第一位係鳳凰衛視呀，連大台官方微博都排第三咋，鳳凰衛視果然巧叻叻豬！

另外，第二位嘅大公報都即刻出咗篇「大公文匯膺微博“十大影響力港媒” 名次居前」嚟表揚一眾員工嘅努力～

加油呀，你哋嘅努力，毛毛係睇到㗎！！！

btw，雖然毛記冇獎拎，但我哋唔會灰心，大家都唔使爭住嚟安慰毛毛㗎喎，我哋一定會繼續努力，做更多更kai......呀唔係，係令歡眾更kai sin嘅事先啱！

封面圖片來源：新浪香港
資料來源：新浪香港、大公報