話說毛毛都好耐冇返屋企同阿媽食飯，難得一日食住家飯，梗係即刻去街市斬料加餸啦～唔通仲食屋企啲有機菜咩？而最近有網民落街斬料，點知返到屋企發現......

嘩嘩嘩，雞骨係紅色毛毛就話見過啫，但啲血水多到咁......毛毛都係第一次見咋～又幾juicy喎（好似係）！

btw，之前有大埔街坊買燒豬骨嘅時候咪又係咁～不過叫你食生豬肉啫，又唔係砌你生豬肉！

計毛毛話，反正大家都是食物，不用分那麼細啦，最多咪食錯嘢、屙返七七四十九次咁啫，冇事嘅！55！

封面圖片來源：Siu Bawong‎／屯門好生活 Tuen Mun Good Life

資料來源：Siu Bawong‎／屯門好生活 Tuen Mun Good Life、Sting Law／Tai Po大埔

生勾勾回帶：【天寒地凍叫外賣】打開先發現啲燒豬骨生嘅喂？