唔知大家覺唔覺得將一啲原本好大嘅嘢將佢縮到好細，成件事就會變到超級打耳！好似之前嘅倉鼠打迷你石膏咁：

搞到毛毛隔住個mon都想攬下隻倉鼠呀！但原來呢個宇宙入面仲有迷你牙套㗎喎！話說有隻金魚因為天生冇下顎骨，搞到食唔到嘢，差啲連氣都抖唔到呀！好彩有個好好人，整手工又叻嘅獸醫救佢咋！

冇錯！為咗幫呢條小金魚，個獸醫特登用信用卡整咗個迷你牙套出嚟呀！戴咗牙套嘅金魚仔好似O咗嘴咁，真係好鬼死可愛呀！仲有啲似娛樂金魚眼入面條金魚?喎：

啊講開又講，而家係咪冇人知咩係娛樂金魚眼㗎喇？咁算啦當毛毛冇講過啦，嗚嗚！

封面圖片及資料來源：Lehigh Valley Veterinary Dermatology

回帶：【陰公豬】倉鼠打迷你石膏