當毛毛以為班強國人淨係識得搶我哋香港人嘅奶粉同尿片嘅時候，佢哋又有新搞作喇！

是咁的，話說最近強國山東發生咗單黑心疫苗嘅事件，有超過200萬支嘅問題疫苗流出咗市面。冇針打咁點算好呢？一班好聰明嘅強國人就諗到，強國冇，咪落香港搶囉……阿sor99ly，I mean係去香港打呀。一篇篇嘅香港打疫苗攻略仲喺網上瘋傳?！

喂真係學到老活到老呀！毛毛以為打機先會有攻略，估唔到連打針都有喎！到底有咩係強國人做唔出嘅呢？而且老老竇竇，佢哋真係好有心機去整合呢份攻略㗎，去邊度有得打，程序係點，全部都寫得清清楚楚！真係一理通馬國明喎。

毛毛真係好感動呀，強國人連打疫苗都要喺香港打，真係好愛香港呀！佢哋仲同時促進埋香港嘅文化經濟社會教育（下刪十萬字）嘅發展！佢哋畀咗咁多機會我哋香港人，都係嗰句啦，要不是強國，我們早就完蛋了！所以見到佢哋記住要感恩呀，知嘛？

封面圖片來源：教養女王

資料來源：教養女王、香港愛嬰國際