召集所有鍾意食蛋嘅面孔！唔係考試?啲零雞蛋呀，係炒又得煎又得精蒸又得點整都得?啲蛋呀，特別係溏心蛋呀！毛毛去親食拉麵都一定要另外加多隻嚟慢慢歎㗎！

不過溏心蛋食得多都會悶嘅，不如搞下新意思啦！有個日本網民就用Monster Energy嚟煮喇！好，事不宜遲，即刻開始！你需要嘅材料有：Monster Energy、雞蛋兩隻、綠色色素、糖呢兩茶匙，仲有啲橙皮?！Er ，其實最後一樣係唔使嘅，順口啫。

咁跟住就可以煲下啲Monster Energy，同埋煮熟隻蛋佢，大概都係咁啦。

最重要嘅一步，就係將蛋蛋放落變咗綠色嘅Monster Energy度吸收源源不絕嘅能量喇！呢個 step唔可以心急㗎，一定要用愛同耐性嚟慢慢灌溉，等蛋蛋核心嘅外圍成為Monster Energy核心嘅內圍。

燈燈燈櫈！最新暗黑，呀唔係，螢光綠料理咁就完成喇！切開睇下，仲可以見層綠色嘅Monster Energy溫柔咁守護住脆弱嘅蛋白同欲拒還迎嘅半熟蛋黃，嗚呀！大大力咁一啖咬落去，即刻成個人都充滿力量呀 ！

好彩毛毛都唔輸蝕，特製咗隻暗黑溏心蛋！不過係用嘔吐物整咋嘛！

封面圖片、資料來源：unatra/twitter

＜暗黑料理系列＞

【又嚟暗黑料理】生果煮餸系列

【老母地獄廚房】清蒸酒樓炸春卷

【創意黑暗料理】花之戀金錢肚河