2016年03月24日 星期四
主人唔好唔開心啦，我請你食薯仔呀！
雖然日日做唔停手要邊食杯麵邊覆comment，又要開OT開到唔知幾點，攰到成隻狗咁，不過一返到屋企見到隻狗狗揈住尾等毛毛返嚟，真係成個心都融晒，返工畀腦細黑咗幾多次面都唔記得嚕！
狗仔真係人類最好嘅朋友呀！外國有個患抑鬱症嘅網民Drovie喺上年11月有一日因為受唔住接受治療嘅壓力，坐咗喺梳化度喊，點知無啦啦 feel到有啲嘢掂咗佢隻腳一下。原來係佢嘅乖狗狗Zeus呀 ！佢仲拎咗隻薯仔過嚟做小禮物，想氹返主人開心呀～
早幾日，主人又因為控制唔到情緒而喊喇。不過唔怕驚，狗狗喺大廳！狗狗見到主人唔開心，又再出動送薯仔畀佢喇，仲要有成2隻?！另外仲加送幾個主人食開隻藥嘅吉盒呀！真係又warm又smart醒呀狗狗 ！
其實狗狗你咪主人嘅特效藥囉，見到你咁乖豬，心情即刻好返晒呀！
封面圖片、資料來源：Tumblr
＜狗狗治癒系列＞
