2016年03月25日 星期五
【Shall we talk】中大生夾埋模仿動作 目標一玩手機全場靜晒
「螢幕發光，無論甚麼都看」，窮丁毛毛冇錢碌卡，唯有喺毒L Fing Fing嗰陣碌下手機過下日晨啦！碌碌下慣咗，就唔知有咩好睇，都好不自覺咁碌呀碌，look呀look喇！
中大就有班同學仔，大大話話有成50人咁多，為咗叫人食飯嗰陣望住身邊嘅人，唔好望住部手機食，佢哋就夾埋做咗場大龍鳳，焗人放低個電話喇！嗱嗱嗱，灰色衫嗰位人兄就係今次嘅目標人物喇！
喂喂，有女陪食飯仲望手機，抵你成為目標人物嘅！佢一拎起部手機啫，全場就即刻拎起部手機靜晒，十足細個玩估領袖咁呀！不過今次個領袖就係被玩嗰個咁囉～
個男嘅又係，有個咁靚嘅囡囡喺隔離仲掛住玩手機，要玩就坐埋一邊玩，留返個機會畀毛毛嘛！同人食飯（尤其係女女）嗰陣要望住人對眼，毛毛都識啦，大好嘅溝通機會就咁畀部電話搶咗去，浪唔浪費啲呀？有冇諗過好似毛毛呢啲連同女女溝通機會都冇嘅人嘅感受呀？
封面圖片、資料及圖片來源：望住我 Eyes On Me
Smartphone Prank in Med Can【能不能給我一餐飯的時間？】我地Pinpoint夾埋AMY姐派出五十個同學仔，係Med Can嚟咗場「超級估領袖」！睇下，食餐飯都唔可以專心同坐係你面前嘅朋友相處其實我地係咪應該多D望下身邊嘅人，同佢地傾多啲計呢？不如由一餐飯嘅時間開始，我地一齊脫離「低頭族」啦～
Posted by 望住我 Eyes On Me on Thursday, March 24, 2016
