返咗咁耐工，終於都放假喇！（單腳跳起雙手 yeah！）難得dayoff，梗係要約仔仔／女女（講緊你哋咋嘛毛毛都冇…）去行街食飯睇戲唱K飲嘢直落啦，不過呢，哪有錢呀你老…一係咪去睇下展覽行下圖書館咪算囉，唔通攤大手板問老竇老母攞錢咁孝義咩。

美國呢個14歲仔仔Cody Mitschelsen就乖喇，想約妹豬食lun廚，但係又冇錢喎，所以決定自己的錢自己搵，幫隔籬屋剪下草掃下地嚟賺外快呀！十幾歲人仔就咁識諗，抵讚呀下，有毛毛一半咁乖！

網民Ryan Cox將暖男仔仔嘅故事post咗上網，仲幫佢搵客，所以暖男仔仔賺到嘅錢唔止夠請妹豬食飯，仲可以買花氹佢開心喇！

嗱，呢個就係令到暖男仔仔幾辛苦都覺得sweet嘅妹豬喇！嗚呀，求介紹得唔得呀！毛毛 mean個暖男仔仔呀！

封面圖片來源：Ryan Cox

資料來源：英國每日郵報

延伸閱讀：【甜到漏】妹妹儲錢送倉鼠 哥哥感動到攬住佢喊