呢個眼睥睥公仔嘅畫家奈良美智剛剛發現咗自己個作品展，係呀係發現咗自己被搞咗個展覽，喺自己嘅page度話呢個展覽冇經過本人同意呀！

呢個網介紹咗奈良美智同佢嘅作品之後，仲話「這個夏天，他將帶著治愈無數人的作品來到上海，治愈你的孤獨心。」，但係奈良美智話話唔關佢事㗎啵。

活動嘅介紹仲話「將展出奈良美智先生自1990年到2014年間的作品30餘幅，作品數量、質量與稀有度都十分引人矚目！」咁到底到時啲作品喺邊度嚟嘅呢？唔好問咁多啦，正所謂不用分那麼細，大家都是一幅畫啫。


啲網民仲話呢個展覽館已經唔係第一次咁樣「幫」人做展覽㗎喇，仲話搞展覽係為咗賣精品掠水㗎咋！之但係佢寫明係正版㗎啵，仲係cos over?呀：「這一次除了大家熟知的日本原版奈良美智限量衍生品，還會聯合韓寒監製的「ONE·一個」和黃磊創立的“ 黃小廚 ”共同為大家獻上精美的周邊。」到時一定賣到畢加索咁貴啦。

被搞展覽好出奇咩，邊個話藝術展就唔可以成個都係假㗎，可能到時做到足有人扮埋假奈良美智?呀！

來源：YOSHITOMO NARA、chuansong