今時今日，新娘子戴晒成身金器、搞到成個黃金聖戰士咁，已經唔算得係啲咩土豪婚禮，真正嘅土豪婚禮應該係咁樣樣先啱：

嗚哇，呢架咪傳說中嘅勞斯萊斯？！話說噚日中國江蘇省晨朗集團嘅董事長個仔陳棟（而我不知道）就迎娶女明星姚婷婷（而我不知道），除咗有靚車車隊之外，仲請咗一班喺強國紅到出汁嘅明星嚟飲?～

嘩，係金句「而我不知道」嘅作者－黃曉明呀！

請得黃曉明就梗係唔少得佢嘅baby－Angelababy啦～喂冇見咁耐，啲眼耳口鼻仲係咁標緻、咁靚喎！

而呢個戴住口罩嘅......以毛毛憑感覺覺得佢應該就係劉愷威嘞。

當然當然，要請埋范冰冰先至夠架勢啦～話晒而家強國上下咁多個恐怖蠟像館都爭住整范冰冰蠟像（不過就整得唔係咁似囉），但你竟然請到個堅．范冰冰嚟喎......今鋪至威仲唔係你？直頭要寫埋落CV啦！

老老77，請晒啲明星嚟飲係幾威威嘅，但毛毛覺得......對冚世界嘅女人嚟講，結婚係人生大事，唔多唔少都想自己做主角～大佬你而家請咁多明星嚟，仲邊有人留意新娘子㗎？你都係今晚返去跪玻璃啦。

封面圖片及資料來源：鳳凰網