問世間情為何物，就算得唔到女神個心，能夠每朝瞓醒都望到女神......張相，毛毛都已經好心滿意足啦！但估唔到男女之間嘅愛情，都比唔上呢位上海同胞對領導人嘅愛咁熾熱，佢竟然愛到貼習大大嘅相喺牆度？

一幅、兩幅、三幅……毛毛都數唔到究竟有幾多個習大大望住毛毛喇！但原來佢將習大大當牆紙咁貼笨唔係因為想做習大大隻鹿，而係為咗令人唔好強行拆走呢幢僭建物呀！

話說強國正苦本來就諗住要強拆呢幢僭建物㗎喇，點知個業主竟然拎習大大嚟做護身符，仲貼到成幅牆都係?！

嘩，乜原來習大大個樣咁有用㗎，咁咪仲勁過門神？睇嚟毛毛都係print定幾張喺office傍下身先得喇！不過聽講最後啲習大大都畀人撕晒落嚟，所以話呢，畀你貼到成幅牆都係咁又點吖，你要個人本身就係習大大先有用嘛！

封面圖片、資料及圖片來源：aboluowang、halktv、吉士新聞/微博​