毛毛仲係小學雞嗰陣，最鍾意放學9衝返屋企睇偶像打怪獸，即係嗰啲超人乜乜呀、乜乜戰隊咁，貪佢哋夠晒疊馬同埋英雄主義吖嘛！

不過毛毛真係老啦，已經唔係好識而家嗰啲新晉戰隊喇，但最近大台就播緊套「烈車戰隊」（聽個名都知疊馬啦），令到毛毛再次重拾童心呀！

雖然有超人呀怪獸咁，都預咗係超現實㗎啦，但呢套嘢入面都有好貼地嘅元素㗎，例如啲戰士要合體上烈車做機械人嗰陣，係要拍卡㗎！咩呀？保衛地球唔使拍卡入閘呀而家？

打怪獸又點少得要有一技傍身呢？而呢隊烈車戰隊嘅絕技呢，就係硬直烈車隊穿牆喇！話說當佢哋被隻怪獸困住喺棺材嗰陣，就係用佢嗰碌又粗又直又大條嘅烈車，一嘢隊爆咗個棺材蓋喇，真係睇到毛毛都有啲濕濕哋呀......個額頭（緊張吖嘛！）

BTW，其實呢套嘢嘅原意就係想宣揚鐵路嘅魅力，為造就未來鐵路愛好者而設嘅，唔知大台係咪特登揀嚟播嘅呢？真係好有機心呀！不過毛毛睇完之後，都完全感受到鐵路嗰陣膠味.......呀唔係，係魅力先啱！

封面圖片、資料及圖片來源：假面骑士Let's Go Kamen Rider、bbs.sumisora、topicks.jp