有冇人曾經好似毛毛咁，那麼瘋癲過，那麼驚天動地愛戀過，為咗幫女神換公仔，食足一個月開心樂園餐，就係為咗令女神開心……雖然毛毛而家已經被逼強制退役，但諗返起嗰段餐餐開心樂園餐嘅日子先發覺，原來毛毛未曾食過一個開心樂園餐，係為咗自己…….但最近毛毛終於搵到個開心樂園餐係想為自己而食㗎喇，但可惜嘅係日本限定囉！

嗱，唔好睇錯，食開心樂園餐唔係送隻貓呀，係送隻貓戴住嗰個叮噹啷啷呀！

唔好睇少呢隻叮噹啷啷呀，日本啲貓奴搶住買嚟畀主子戴住cosplay叮噹㗎～

老老竇竇，如果有埋個百賽袋呢，就pecfect池喇！

嗚嘩，可能係個叮噹啷啷嘅加持，毛毛覺得啲喵星人好似特別打耳咁～BTW，唔知毛毛戴嘅話會係咩效果嘅呢？雖然毛毛都想女神會收養毛毛做寵物，但其實女神搵返毛毛幫佢食開心樂園餐，已經好心滿意足㗎喇！

封面圖片、資料及圖片來源：McDonaldsJapan/Twitter