毛毛返工咁悶，成日都好想有隻毛孩陪下，今次終於有合理原因sell下腦細喇！因為美國有個研究證實帶埋埋狗狗返工，可以提升工作效率，刺激生產力呀！

是咁的，加州克萊蒙研究大學搵咗兩班人返嚟，一班就同狗狗玩，另一班呢就forever alone自己做嘢。之後就叫佢哋喺網上過啲錢畀陌生人。結果就發現，有同狗狗玩嗰班人，壓力荷爾蒙下降，對人嘅信任度比另一班高24%呀。而有養開狗嘅人對人更加信任，會nice啲，同埋輕鬆啲。

咁即係點呀？有乜關係先？毛毛睇唔透呀！負責研究嘅神經經濟學教授Paul Zak就解釋：「咁即係帶狗返工呢，除咗令人relax啲，工作效率都會高啲！」

結論係乜？腦細！聽日毛毛就帶埋毛孩返工，兩份糧呀唔該！

封面圖片來源：tailster

資料及圖片來源：Daily Mail