香港土地問題咁嚴重，唔係以為仲有空間畀小朋友玩呀？就算有位，都畀讓畀大媽跳廣場舞啦！

之前有網民發現公園原來係唔畀小朋友吹波波㗎！咪係囉，啲波波會飛嚟飛去㗎嘛，咪好危險囉，撞親人咁點算呀！

仲有呀，原來球場都唔畀打波㗎！呢個北角配水庫遊樂場籃球場出面個牌大大字寫到明「請勿進行球類活動」呀！唔知公司幾時都會有個牌寫全唔畀返工呢？

唔好咁嬲嬲豬住，睇清楚啲先啦，張圖畫咗個足球，即係話叫你唔好喺籃球場踢波咋！好似搭車啲不准飲食牌咁，都係唔畀人食漢堡包同飲汽水咋嘛，唔使咁擔心喎～

封面圖片、資料來源：香港地