2016年03月30日 星期三
171黨員要求罷免習總 原因係：佢畀人叫自己習大大
反了反了，你哋班強國人成日都叫習大大落台，真係大逆不道呀！最近《明鏡》都刊登咗一篇要求罷免習大大一切職務嘅公開信（之不過後來又del返）......
話說封信就係171位忠實黨員所寫嘅，佢哋喺封信入面就數晒習大大啲衰嘢出嚟，話佢獨裁、個人生活糜爛、又放任畀人叫佢做習大大，仲有推行個人崇拜等等喎！
封信仲話習大大為咗本《習近平和他的六個女人》，動用國家公安機關將香港書店股東、員工跨境綁架......嘩嘩嘩，真嘢唔好拎出嚟講，呀唔係，係你哋咪亂講啦，佢哋全部都係自願偷渡自首㗎！！！
最後，佢哋仲要求一人一票選舉總書記、黨中央、黨代表，「我們不承認任何不經8000萬黨員直接選舉的黨中央」咁話，仲話己經去到必須解決方丈嘅時候。哎呀，咁嘅要求真係好無理呀，唔好搞亂強國啦好冇？
計毛毛話，封信內容一定係搞緊爛gag！之不過就冇人識笑，所以先即刻delete咗啫，55。
【強國反了反了系列】：
封面圖片來源：fms.news.cn
資料及圖片來源：rfa.org、明鏡博客截圖
