毛毛細細個睇寵物小精靈嗰陣，已經好好奇究竟呢隻三頭地鼠是咪收埋咗個身喺啲泥入面！

嗱，唔係得毛毛一個會諗埋呢啲無聊嘢㗎，日本啲細路都有諗㗎！

但估唔到有日本網民竟然用CG技術整咗呢個筋肉版嘅三頭地鼠出嚟，嘩，估唔到原來三頭地鼠都可以咁man㗎，唔知喺動畫入面收收埋埋喺啲泥土下嘅，係咪就係呢啲漲卜卜嘅肌肉呢？hehe～

咦…佢哋三個嘅動作搞到毛毛紅都面晒喇，如果三頭地鼠真係由呢三個筋肉男合體而成，咁佢哋平時喺泥下面係咪都係做緊呢啲咁嘅動作㗎，嗚嘩，毛毛真係唔敢再諗落去喇！

封面圖片、資料及圖片來源：pokemon.jp、nicoseiga.jp、kurodamasa/twitter

睇埋：【出嚟啦】百變怪變咗做唔同小精靈嘅公仔呀！