對毛毛嚟講，南生圍係女神同毛毛戀愛嘅地方…喺夢入面！雖然女神從來都冇應承過同毛毛把臂同遊南生圍，但唔緊要，毛毛有嘅係時間，等一生都等，但誓估唔到，良辰都未等到啫，南生圍嘅美景已經不再喇！

吓，呢度係南生圍，點解同毛毛夢入面嗰個咁唔同㗎？嗚呀，究竟係邊個斬殺啲樹呀？啲樹有得罪你咩，做咩要斬晒佢哋喎，佢哋都有生命，佢哋都需要愛㗎，話唔定佢哋都會痛呢，只不過佢哋講不出聲講不出聲咋嘛！

啲樹唔單止被人斬殺，仲被人燒傷?，兇手真係好殘忍呀！

不過就算啲樹被人斬斷晒，得返一截仔樹幹喺度，其他人都照坐冇誤，甚至當係垃圾筒都仲得呀！

香港一片難得嘅淨土，就咁畀人破壞咗，仲要啲樹畀人斬成咁都冇人去理，真係覺得佢哋好可憐呀…樹呀樹，你哋真係死得好慘呀，希望有人可以還你哋一個公道啦，嗚嗚。

封面圖片、資料及圖片來源：執執佢