2016年04月02日 星期六
【收手啦施主】愚人節想整蠱老公 點知…
平時生活咁苦悶咁平淡，日日都重重複複咁返工放工，又真係好難怪世人一到咗咩節咩節就咁興奮，慌死唔玩盡佢唔得咁嘅～嗱，噚日係愚人節，一年先得一次可以將自己潛藏嘅醜惡人性大爆發嘅機會，仲唔玩盡佢咩！
台灣有個網民就諗住愚人節前一晚準備定點整蠱老公喇！佢好好心機咁用保鮮紙包實晒老公仔常用嘅東東，好似牙刷呀手機呀眼鏡呀鎖匙呀手錶呀咁，都唔止呀，兩公婆要玩就玩大啲，連對皮鞋都包都實一實！起身趕時間返工仲要拆開晒先出到門口搞到遲到就真係多得你唔少喇好老婆…
呢個萬惡嘅鬼馬老婆仔精心準備完之後，仲好high咁提醒好朋友4月1號就嚟到喇，大家要衝呀！點知……嚇到佢個心離一離嘅事，就喺呢個時候發生咗。
發生啲咁嘅事，大家都唔想。毛毛勸你都係唔好咁自責喇，愚人終愚己，收手罷啦，施主。
封面圖片、資料來源：PTT
＜愚人節系列＞
