糖又加～鹽又加～成日咁加任佢話！以前細個食豬腸粉4蚊有5條，早幾日毛毛去買5條豬腸粉，竟然盛惠15大元喎！聽到真係嚇一跳然後得啖笑呀！樣樣都每年加幾蚊，其實香港人都慣晒喇，係唔知幾時先聽到話人工有得加嘅啫……

全世界都原材料上漲，加價都是常識吧，但係日本有間公司就竟然因為佢哋嘅雪條加價，而特登拍片同大家道歉呀！

話說呢款雪條「ガリガリ君」1981年面世，當時賣50円，10年後又加咗10円。

到咗今時今日，赤城乳業株式會社終於受唔住成本壓力，要忍痛含淚向大家宣布，要25年嚟第一次加價10円，由60円加到70円喇！咩話！10円！咪即係1蚊港紙都唔夠？！

但係正所謂道歉時露出頭頂是常識吧，雪條腦細就帶領一大班員工拍片鞠躬道歉！嗚呀，呢啲咪良心企業囉，唔知掠盡生活每一程嘅正牟利機構港鐵，又明唔明呢？

封面圖片、資料來源：赤城乳業株式会社/Youtube