一般人眼中嘅女神有咩條件呢：眼大大、面尖尖、腳長長、身材好……毛毛就唔會咁膚淺喇，點可以淨係睇外表㗎，梗係要心地好，先至係由內靚到外啦！

毛毛一直都搵唔到心目中嘅女神，但今日，終於搵到喇！相入面呢個後生女，著住短裙絲襪，應該唔係咁方便活動㗎嘛，但係佢都一樣冇有怕，喺大角咀嘉善街幫清潔嬸嬸推車仔！再一次獅子山下體現精神！

車上面嘅垃圾仲多到好似就嚟倒瀉咁呀，嬸嬸平時要一個人推一定好辛苦，其實我哋應該希望有多啲好似個後生女咁好心地嘅人呀，定係望個正苦唔好得個講字，做返啲實質嘢幫下有需要嘅人呢？

封面圖片、資料來源：香港突發事故報料區

延伸閱讀：【司機有愛】停車幫拾荒婆婆推車仔