香港地人好多好人都多，大埔有對男女行街見到有個伯伯嘔，畀張紙巾佢不特止，之後竟然仲行返返轉頭畀張濕紙巾佢呀！

如果行街見到陌生人嘔，可能好多人嘅第一反應係即刻彈開，驚死整污糟自己，會行埋去幫手嘅人可能已經唔多，仲會走返轉頭幫忙嘅人真係好抵讚！！

呢張紙巾雖然表面上只係一張紙巾，但件事笨唔係咁簡單！人生總有啲特別黑仔嘅時刻，好似喺街度唔舒服又咁啱冇紙巾，真係分分鐘成日人生十大尷尬時刻呀，如果呢個時候有人遞上一張紙巾，就算呢個只係一個小小嘅動作，都可能救咗一個人嘅心靈！

呢件事又係喺出名有愛嘅大埔發生嘅，班大埔網民都大讚呀！

其實唔止大埔好多好人嘅，葵涌都好多好人㗎，即係，即係好似毛毛呢啲呢（指住）。

圖片來源：