家陣好多人都會喺屋企裝個cam，等自己返緊工都可以隨時隨地看實狗狗做緊咩～毛毛都試過裝部機落小毛毛個頭度呀，點知返到去一睇play back，完，完，全，全，冇郁過囉條友，毛毛返工搵錢買骨骨畀佢食，佢就hea足10粒鐘，公平咩？不過其實裝cam最重要都係想睇下狗狗有冇危險啫～

嗱，呢位朋友咪就係冇裝cam，所以一返到屋企打開門就見到咁樣樣囉……話說佢出咗去睇戲，睇得不知幾高興，點知原來同一時間，屋企隻狗狗都玩得火熱喎！

嘩嘩嘩，一地都係呀！全部都係狗狗嘅黑色腳印！

連大廳都冇得幸免，變到又黑又臭呀！

狗狗表示：頭先有隻怪怪腳印跟住我呀，我去邊佢又去邊呀主人……

一定係墨汁曳曳，係佢出手先嘅，毛毛信你，唔使chok個自責樣出嚟啵狗狗。

斷估狗狗都係睇咗阿叻喺《唐伯虎點秋香》嘅精湛演出，先會同墨汁玩遊戲啫！大家唔想遇到相同嘅不幸情況，就記得唔好畀狗狗獨自睇戲喇！

封面圖片、資料來源：微博

延伸閱讀：【放過奴才啦好嗎】貓貓抓爛咕? 搞到一地都係白色粒粒