仲記得我國哲學家老子曾經講過，白天不懂夜的黑，正如男人不懂女人的化妝品。聽講淨係搽上面肉色?啲嘢都有分粉底呀BB Cream呀CC Cream呀乾粉呀濕粉呀咁 ，所以話，唔識分真係唔好肥咁搞呀，唔咪好似呢個台灣網民咁囉！

話說佢無啦啦覺得耳仔好癢喎，咪問下女朋友有冇棉花棒囉，佢話冇，但個網民堅持記得見過女友手袋係有㗎！於是就趁佢落咗車，偷偷地摷佢個袋，竟然又真係畀佢搵到喎！立馬拎嚟撩耳仔先！爽晒！

點知，奇怪嘅事，就喺呢個時候發生咗。佢撩下撩下，隻耳仔竟然出晒血呀！嗚呀媽媽，唔通啲棉花棒係受到詛咒嘅棉花棒？！

原來啲蠱惑嘅棉花棒，表面上係棉花棒，實際上係……唇彩！哎呀，都叫你唔識就唔好亂咁嚟㗎啦！呢隻係泡菜國而家好hit嘅棉花棒唇彩，唔知點樣樣擰下個棉花頭，啲顏色就會唔知點樣樣滲滿個棉花頭，跟住妹豬們就可以唔知點樣樣搽上個咀仔度喇～

發生啲咁嘅事，大家都唔想，呢個故事教訓我哋，幾時都要相信女朋友嘅說話呀。

封面圖片、資料來源：爆廢公社

延伸閱讀：【你死喇今次】妹豬問買白色BraBra好唔好 男朋友夠膽咁答佢...