無知嘅毛毛曾經以為，地上生命力最頑強嘅生物一定非小強莫屬，點知原來係毛毛太天真鳥，強國人比起小強，仲要勁太多太多倍呀！你話喇，邊有人可以無視啲菠蘿曾經跌過落地，甚至跌咗落條臭坑渠河度，都可以照執照搶嚟食㗎？

喺強國發生車禍最緊要係咩呀？唔係睇下有冇傷者，而係睇下有咩執啦係咪先。嗱有圖有真相㗎，你睇下啲菠蘿經過啲臭水加持過之後，係幾咁吸引，幾咁有光澤？又難怪成班強國人狗衝爭住去7，吖I mean係爭住去搶嘅。

當電視台訪問班強國人有咩收穫嘅時候，佢哋仲好滿足咁話：食得唔好嘥！真係完全表現出強國人儉樸、食得是福嘅美德呀。

強國人真係太強大喇，毛毛呢個廢青真係呢世都唔夠佢哋嚟，冇咩事我出去食返個新鮮菠蘿先，55。

圖片來源、資料來源：荔枝網