辦公室失竊事件幾乎日日都發生，好似筆筒啲筆呀，檯面啲零食呀，簿仔入啲紙呀咁，不過返工返到鞋都畀人笠埋就真係少見啲呀下。

呢落雨天通常啲打工仔都係投訴啲同事亂咁掉啲濕臭鞋，不過呢位苦主就唔係因為鞋濕咗要除，而係因為返工要換制服咋，仲話個鞋櫃係喺公司私人地方入面，肯肯定係畀自己人撻咗呀。

點解佢對鞋會無啦啦失蹤，一係就係對鞋有惡臭，同事好心幫其他同事扔咗佢，一係就係對鞋太香，同事忍唔住拎返去聞。

網民建議阿苦主間公司買個夾萬做鞋櫃，都不失為一個好方法，不過要每對一個夾萬至安全喎。

潮鞋都係身外物，為免日後再有悲劇發生，毛毛建議佢以後咁樣著返工，咁應該唔會再唔見㗎喇～

圖片來源：Cia Chiu、1688.com