偉大嘅小精靈訓練員小毛曾經講過，寵物小精靈係一生嘅伙伴！其實除咗小精靈之外，我哋都應該要當堅﹒動物係一生嘅伙伴，要好好愛護佢哋！就好似呢個外國人咁，佢就為咗一條養咗6年嘅魚仔，搞咗個海盜葬禮呀！

話說呢隻魚仔本身係住喺浴室度嘅，亦都因為咁佢已經見晒全屋人嘅裸體，所以主人就索性叫佢做Peeping Tom，即係專裝人沖涼嘅阿Tom咁解呀。不過因為一次嘅搬竇，咁就出事喇……事關佢主人將魚仔個竇搬咗出客廳，點知過多陣就發現佢郁都唔郁，從此人魚永別喇bu lu bu lu！喊出嚟！

為咗紀念佢，主人專登整咗架海盜船送佢一程，等佢可以充滿霸氣咁走呀！

有個咁錫自己嘅主人真係好呀！毛毛相信呢條魚仔去到彩虹橋嘅時候，一定會係個好威風嘅海盜嚟啫！bu lu bu lu！

圖片來源、資料來源：imgur