呢排《優獸大都會》電影好hit呀，唔單止毛毛身邊啲女同事個個話要睇，連男同事都爭住話想睇！（細細聲講，其實毛毛唔介意你哋約埋我去睇囉～）

不過強國高高在上嘅官媒又點會同我哋呢啲凡夫俗子一樣，會睇呢啲毫無品味嘅外國勢力電影吖！嗱你睇下，強國解放軍報話咁快就出咗篇文鬧爆套戲喇！（下面開始有少少少少劇透，未睇套戲嘅好走喇下！）

阿官媒話喎，套戲入面隻兔仔最後做咗個成功嘅警察，代表住人人都可以實現美國夢（唔好問毛毛呢個係咩籮直，而且關美國夢咩事，毛毛讀書少sorly）；又話明明現實中係狼食羊，套戲入面變咗羊先係大奸角，係顛倒是非喎！

哎呀乜睇套戲都咁大件事，咁點算好呀！官媒就話要唱好中國，增強人民對國家嘅自信心，自然唔驚呢啲外國勢力啦！嗯，毛毛都好agger呀！乜你唔見啲強國片票房套套都億億聲咩！啲咩外國片呀、十年呀，行埋一邊啦，佢哋邊夠強國電影咁有深度喎！（應該係，除非唔係，55。）

圖片來源、資料來源：中國軍網