呢排見到班DSE考生用盡最後一分鐘溫書上考場，嗰種如臨大敵，披荊斬棘嘅心情，又令毛毛諗返起當年肥佬嘅日子喇……不過嗰陣就算毛毛喺學校考得幾差都好，都未試過有老師喺份卷度咁樣留言話毛毛㗎！

呢句嘢通常都係老母鬧毛毛嗰陣講嘅啫，估唔到呢位老師竟然身兼母職，喺呢位小一學生嘅試卷度留個咁嘅言，仲要用Konglish Style寫個㗎字，睇嚟呢位老師都真係幾嬲下咁喎，不過佢咁樣一寫，就辣到好多網友都嬲豬鬧佢呀！

如果毛毛係嗰位學生，收到份卷見到老師咁話自己都真係會幾唔開心㗎，雖然……毛毛又真係上堂發夢嘅，但做老師嘅應該畀多啲鼓勵學生㗎嘛係咪？如果當年都有老師咁循循善誘毛毛嘅話，毛毛可能已經考咗12個Ass而唔係Abs啦！嗚嗚！

封面圖片、資料及圖片來源：不願小朋友成為功課奴隸