嗱我哋唔好理啲偽﹒警犬先，而家講緊啲堅﹒警犬呀下！係咯，到底點解得警犬，冇警貓呀警牛呀其他動物份嘅呢？公平咩！英國有個小妹妹就睇唔過眼（好似係），特登寫咗封信去問清楚警察叔叔呀～

佢話喎，貓有好嘅聽覺，可以留意到周圍發生緊咩事；平時又識路返屋企，有起事上嚟一定帶到啲警察去案發現場；爬樹又叻喎，捕獵技巧又好，發生意外?陣咪可以幫手救到人囉！最重要係咩呀，係佢哋可以同班警犬做到朋友仔呀！

喺呢個已經畀喵星人統治嘅世界，呢個妹妹講嘅嘢毛毛真係100％認同㗎！嗱你睇下人哋優獸市，兔仔都做到警察啦！冇嘢係唔得嘅！

聽講而家英國警方都考慮緊請第一隻警貓喇！不過喺未正式做到警貓之前……一步一步嚟，做住差館吉祥物先啦！

今次仲唔係貓有出頭天？

圖片來源、資料來源：英國鏡報