毛毛成日都偷聽到啲女同事喺度投訴佢哋個男朋友，話佢哋影相影得差，成日都要教完再教先影得好少少，毛毛聽到都戥佢哋慘呀！I mean班男朋友呀！嗱轉個頭又有台灣網友開post，話要控訴班男朋友喇！

話說呢個女仔見到成大片草地就想叫佢男友幫手影返啲呃like相啦，嗱佢嘅理想構圖就是咁嘅：

嘩，佢男朋友又唔係專業攝影師，實影到啦！於是，張相出到嚟就變咗咁樣樣喇：

嗯，其實都幾有美感吖，毛毛9估個男朋友應該仲加咗少少後現代元素落去張相度?喎。不過佢女朋友就非常之唔滿意囉。呢個post仲引起咗其他女仔嘅共嗚，紛紛post相要公審男朋友呀！呢個就話張相影到成個伊藤潤二咁，好嬲嬲豬！

所以毛毛就話你唔識嘢呢，伊藤潤二大師級嚟㗎！毛毛細細個就丁開佢啲漫畫，不知幾鍾意呀！你男朋友有前途呀！之後呢個網友又話男朋友影佢食嘢?陣永遠都唔影佢個樣，淨係影佢個口：

樂觀啲諗，男朋友識影埋你個嘴都算好吖！而且老老竇竇，最重要嘅唔係張相影得靚唔靚，而係佢愛你，肯畀你點吖嘛！唔講住喇，毛毛畀呢啲相閃親，要去驗眼先，係咁。

圖片來源、資料來源：sulprise/PTT、novialogo/PTT