毛毛懷疑，世界上所有動物都係唔知自己其實有條尾㗎……

如果唔係，隻貓貓又點會望住自己條尾擺下擺下都可以望一日咁得意呀，佢九成唔知呢條就係日日跟住佢周圍去嗰條嘢啦！

唔止貓貓呀，連蜥蜴，都未必知自己原來有條尾……話說外國有個網民話有日見到佢養嘅蜥蜴仔跌親，之後條尾就傷咗喇，幾陰公豬呀。

點知，之後佢竟然見到蜥蜴仔有個特別下午茶！咦？咩嚟㗎？明明都冇買過呢隻零食畀佢～睇真啲，原來係蜥蜴仔自己條斷尾呀！佢咬咬咬，不知食得幾滋味！

好彩，好快蜥蜴仔就生返條新尾仔出嚟，到時係咪又可以再食過喇？

封面圖片來源：imgur

資料來源：Febianne Chiu、imgur