三眼仔有云：「你救咗我哋，我哋會永遠感激你㗎！」原來會記得救命恩人嘅唔係得三眼仔㗎，連天鵝都好好記性！

話說一個英國嘅主持人Richard Wiese幾年前拍嘢嗰陣，遇到一隻因為撞到鐵絲網而受傷嘅天鵝。Richard就即刻救起佢，送佢去治療。天鵝好返之後，以後故事完咗啦，但幾年後又有感人嘅事發生呀！

早排個主持人返去探隻天鵝，隻天鵝竟然仲記得Richard，仲即刻用條頸攬住Richard呀。

Richard就話喇：「佢攬住我嗰陣，我仲感受到佢心跳，呢個係一隻動物完全信任你嘅時刻，感覺好美好。」

唉，如果毛毛都可以感受女神嘅心跳，感覺都一定好Amazing啫！　

圖片及資料來源：Daily Mail