2016年04月10日 星期日
【嚇到人個心離一離呀】好哋哋做乜將啲Oreo搞到好似黑色蟲蟲咁！
毛毛聽講話識煮嘢食嘅男仔會加分，所以都有好努力去學整下蛋糕咁，希望有朝一日可以感動女神……個胃啦。可惜，毛毛日以繼夜夜以繼日整嘅嗰個Oreo蛋糕，竟然畀女神話似發霉……嗚嗚，毛毛試過，真係試過食完係唔會肚屙㗎！
點知原來一山還有一山低，日本有個網民竟然整咗個咁嘅Oreo蛋糕出嚟，差啲嚇死佢屋企人！
嘩，咁似一條條黑色蟲蟲嘅，嚇到毛毛個心仔都離一離呀！
Er……係就係樣衰啲，不過合埋隻眼食，個味道應該都ok嘅！就好似你合埋隻眼望毛毛，其實毛毛都應該同吳彥祖一樣咁靚仔吖，55！
封面圖片、資料及圖片來源：@wam051/twitter
