聽講呢，真係聽講，冇任何臨床經驗，全世界嘅妹豬都鍾意問仔仔佢今日有咩唔同，然後仔仔就會望嚟望去都搵唔到答案，跟住妹豬就會好嬲嬲豬咁話：我明明就剪咗頭髮lorrrrr！（聲音高八度呀下）唉，其實如果妹豬你好似呢隻喵星人咁剪毛，咪係人都知你唔同咗囉！

呢隻喵星人經歷咗剪毛毛嘅殘酷洗禮之後，好冷靜，好冷靜咁，望住塊鏡。

然後好high咁企咗起身，毫不留情面咁恥笑鏡入面隻喵：哈哈哈哈哈乜咁樣衰嘅做乜剪到啲毛毛咁呀你喵，你估你拍緊卡通片呀喵？

而不幸，就喺呢個毛文降臨了！佢終於發現原來佢一直盡情恥笑緊嘅嗰隻喵，笨唔係另一隻喵，而係鏡入面嘅自己！呢一刻，佢的信心崩潰了終於佢哭了不必坐通宵……

唔好啦貓貓，生命滿希望呀，當你唔開心嘅時候，最緊要係話畀信任嘅人聽，同埋四周圍睇下，呢個世界其實好大，你嘅煩惱其實好渺小！見到人哋剪得仲搞笑過你，是咪即刻心情好返晒呢喵？

封面圖片、資料來源： twitter