平時搭小巴返雙子塔，啲司機大佬通常都會喺毛毛未坐定嗰陣就開車，或者粗聲粗氣問候下毛毛老母咁！雖然啲司機對毛毛好唔客氣，但毛毛都會好客氣咁同返佢哋講聲唔該嘅！但估唔到，竟然有小巴司機因為啲乘客同佢講byebye同唔該，感動到要親手寫返封信去多謝返個乘客呀！

嘩，咁如果佢有好多乘客講多謝嘅話，咁佢咪要寫好多封信好似罰抄咁囉！雖然呢封信唔係啲咩名貴嘅禮物，但竟然會有人因為其他人嘅一句多謝而感動，真係令毛毛隔住個mon都霎時感動呀！而最神奇嘅係，當車上面嘅乘客聽到司機大佬同呢位乘客嘅對話之後，竟然都同呢位司機大佬講唔該同byebye喎！

估唔到一句多謝，同一句byebye，係會有咁大嘅影響力㗎喎，睇嚟毛毛都要繼續做禮貌寶寶去感動世人，希望有日可以感動埋女神啦！

封面圖片、資料及圖片來源：Cherry Tam

回帶：細路女唔夠錢搭的士 司機大佬話：啲錢你留返一陣返屋企啦