有台灣網友開心些牙，話佢學校搞緊校慶活動嘅時候，竟然見到有人徒手畫咗個魔法鍊成陣出嚟呀！

雖然毛毛距離成為一位大魔法師嘅日子都不遠鳥，但係癲到畫埋個鍊成陣出嚟，毛毛都真係要甘拜下風呀！

就喺啱啱，畫呢個鍊成陣嘅鍊金術師喺100毛facebook出現鳥！原來個鍊成陣都係呢幾位喺台灣讀書，自稱係國樂社成員嘅朋友仔畫㗎！

唔知毛毛企上去唸咒，上天會唔會就變個女朋友畀我呢？毛毛我唔介意人體鍊成畀隻左手你換個女朋友㗎喂……不過講開又講，其實我哋香港都一早出現咗一大班識整鍊成陣嘅鍊金術師啦！

啲喼睇落鋼水唔錯，班人又咁鍾意喺香港買金，鍊到一街都係金舖，仲唔係堅﹒鋼之鍊金術師？（應該係，除非唔係）

圖片來源、資料來源：nekoneko/PTT、Marco Ma