問世間情為何物，啲男男女女成日BB豬前BB豬後，今次呢個愛情故事嘅男女主角，就係堅・BB豬喇！話說美國有一隻叫Ivy嘅豬女，舊年7月搬咗去一間動物收容中心，遇上另一隻叫Herman嘅豬仔。

佢哋邂逅之後，就成日出雙入對，負責人就話，可能佢哋都曾經好陰公豬咁畀人疏忽照顧，所以就同豬同氣同病相憐，感情一日千里。食又一齊，瞓又一齊，玩都一齊，班義工都當咗佢哋係男女朋友。

不過，開心嘅時光總係過得特別快，Herman幾個禮拜前開始唔舒服，點知原來係有咗癌症，但Ivy仍然留喺佢身邊十卜佢，到咗上個月31號，Herman終於離開Ivy要上天堂做小天使，但Ivy仿然留喺佢墳前唔肯走，好唔捨得、好唔慣冇咗Herman呢個「男朋友」。

毛毛成日話自己可以為女神付出所有，但原來愛情可以咁偉大，睇嚟毛毛都要再慢慢參透下先⋯加油呀頂住呀Ivy！

資料及圖片來源：thedodo