好似毛毛呢啲咁有文化修養嘅真﹒偽文青，平時最鍾意就係整下啲小手作㗎喇，陶冶性情嘅嘢你識啲咩吖！正當毛毛想上網搵下啲手工教學嘅時候，就畀我見到呢個驚世大作！

話說呢位台灣網友買咗盒針織公仔材料包，諗住憑住自己嘅力量可以勾到個盒上面隻熊仔出嚟！點知一時勾得太興奮，淨係掛住勾個熊頭，冇留意到啲冷嘅份量，咁就出事喇……

大奶奶呢？吖唔係，個身呢喂？

老老竇竇，其實呢隻嘢都幾有創意吖。能夠打破熊仔呢個框框，創作出呢隻咁有個人特色嘅公仔出嚟，都唔係一件容易嘅事嚟㗎！毛毛都決定要跟佢偷下師，亂咁勾啲公仔出嚟送畀女神先！希望佢會明白我對藝術嘅執著，會接納我啦！

圖片來源、資料來源：roann/PTT