如果行行下街無啦啦落雨都話可以搵個瓦遮頭避一避或者即刻喺便利店買把遮頂住，但係搭搭下車見到落雨真係唔知點算喇，落車又變落湯雞，唔落車又唔知會去咗邊喎，真係人生兩難呀。

一條濕滑嘅公路，一架雨中嘅巴士，同埋一個冇帶遮嘅乘客，到底會發生咩事呢～ 個乘客竟然落車冇即刻濕晒，因為個司機主動話要畀把遮佢，睇到毛毛都濕晒呀（對眼）！

就係呢㗎宅心仁厚巴士，同埋呢把低調嘅透明遮喇～


呢個及時遮嘅故事得到成堆台灣網民盛讚呀，落雨天心情都靚返晒～

話時話，其實如果平時大頭蝦唔記得帶遮買埋買埋好多把遮擔唔切，可以送畀橫風橫雨都要喺街上面搵食嘅執紙皮婆婆或者清潔伯伯喎，雖然唔係乜嘢，但係一把及時遮可能好幫到一個人㗎。

來源：小柔/●【爆料公社】●